~~# بحبك.. بحبك.. بحبك.. والله العظيم بعشقك وانت كمان هتحبها

بحبك بحبك بحبك والله العظيم بحبك وبعشقك موووووووووووووووووووت

لالالالالالالالالالالالالالالالالالالالا

أنتوا فهمتوا غلط ده مش مشهد من فيلم عربى أو قصة حب شنيعة

ديه صورة لمصر ومبانيها
ده حب للأرض والوطن اللى احنا فيه واعتراف مننا ان كل واحد منا ميقدرش يا جماعة يكره البلد ديه وبيعشق ترابها حتى ان كان فيه ظلم كبير من ناس بيسرقوا قوتنا للشعب الغلبان ده فلازم تحبها وتحب ترابها بارادتك أو غصب عنك لأنك منتمى اليها وهيه أمك وهيه وطنك وهيه عائلتك وجيرانك وأصدقائك وصحابك وزمايلك وحبايبك وكل الناس اللى انت عرفتهم ولسه هتعرفهم .

وهيه ست الكل مصر هيه التى ذكرت فى قرآننا المجيد بكلام رب العزة الله عز وجل .

متقوليش انك مخنوق من البلد ديه ومش طايق أقعد فيها أنا عارف انك مخنوق من الظلم اللى فيها ومش بقولك متمشيش بره بلدك وتشوف مصلحتك وتكون خير سفير لبلدنا وتكون انت سبب فى قوتها وتقدمها فى يوم من الأيام أنت وأخوك وأهلك وأصدقاء كلهم لا بس البلد مالها الأرض مالها , لازم نحب بلدنا ولازم نحب أرضها مهما حصل ومهما وقع علينا من ظلم لأنها مهما كانت غالية علينا كلنا واللى يقول غير كده هديلوه بالـ..... ولا بلاش

.

ديه طبعاً صورة للنيل وقت الغروب ما أجمله
شوفت ربنا حباها بأيه بأعظم نعمة فى الوجود وهيه المياه (النيل) وكفاية بركة ذكرها فى القرآن ديه نعمة متتقدرش بأى شىء فى الوجود , ربنا يكرمنا بيها وليها .

أنا حبيت أقول على الموضوع ده لأنى بسمع ناس كتير يلعن ويسب فى البلد وكل ما تسأل واحد انت بتحب [size=25]مصر بلدك يقولك البلد ديه هيه اللى مجوعانا طب ليه حديقولى ويرد عليا هل هوه عنده حق فى كلامه ده ؟[/size]

أنا عارف ان مفيش نظام ومفيش حد بيراعى مصالح حد بس ليه كل واحد ميبدأش بنفسه ويصلح من حاله ويكون خير لنفسه والبلد والناس ولأهله طبعاً .

والناس اذا بصت للى حصل عشان بطولة أفريقيا والتشجيع الرهيب بعد المكسب والتهانى وكل الناس بتشجع وبتهيص مبروك لمنتخبنا هتعرف قد ايه حب الناس وعشقها للبلد ديه وكل اللى بيعمل حاجة تعلى البلد فى أى مجال وتفرح الشعب بحاله وكل فئاته والروح الجماعية اللى لعب بيها لاعيبتنا ومساندتنا للفريق وكل اللاعيبة بمختلف أنديتهم

شايفين الفرحة عايزين الشعب كله يفرح كده بحب مصر
هوه ده الحس الوطنى المصرى اللى بتكلم عليه ليه ميكونش فى مصر كلها وفى كل مجال ينفع مصر المجالات اللى تنفع بس مش الهمبكة اللى بنشوفها ساعات والكلام الفارغ فى حاجات ملهاش لازمة (انتوا فاهمنى طبعاً ) ربنا يستر عليا ههههههههههه .

وفى نهاية موضوعى ده ياريت كل واحد يدخل يرد على الموضوع يكتب هوه قد ايه بيحب مصر واسباب حبه عشان الناس كلها تعرف قد ايه مصر غالية علينا واللى عنده حاجة عايز يزودها فى حبها يقول وان كنت نسيت حاجة نكملها مع بعض واللى مش بيحب مصر ميدخلش أحسن ويبقى وفر على نفسه

ههههههههههه .

ودى كلمات كتبتها لما كنت فى وسط الناس واللمه والشارع

[size=21]اول مره احسن انى فى بلدى
وسط اللمه والناس واهلى
واحس ان مع قلبى
وقلبى فيا بيندهلى
والناس حوليا بميه قلب زى قلبى
ياسلام على شقاوتنا
والحب اللى ما فارقنا
والضحكه اللى على شفايفنا
الله عليكى يا بلدنا
واقف فى وسط الناس وحاسسهم
مكنتش لوحدى وكأنى عارفهم
وكلنا ايد فى ايد وشايفهم
وحياة الناس اللى شوفتها
وحياة دموعى اللى نزلتها
وحياة حياتى اللى عشتها
هطلع بيكى لفوق يا بلدى
وهتفضلى على طول فى حضنى

[/size]

لك تحياتى العطرة على هذه الاحاسيس والمشاعر المصرية الجميلة
المصرى هيفضل مصرى بطيبته وقلبه الكبير
مع تحيات
صالح سعد

الله عليك شاعر

بجد حبك لحبيبة قلبنا كلنا مصر
واضح فى كل كلمة كتبتها

تسلم لنا ولمصر
_________________

بحبك يا مصر اية الحلاوة دى يا عم شاعر الاحلام
سلمت يداك من كل شر

ياريت يكون كل الشباب زيك كده

ربنا يخليك لمصر

وتسلم ايدك على كلماتك الجميله
_________________
لا تبكى نفسى على شئ قد ذهب ... فنفسى التى تملك كل شئ ذااااهبة